Ruihhlo nuai 3,600 hu man

Mizoram Police-te chuan ni thum chhungin ruihhlo cheng nuai 3,600 chuang hu an man a, hemi kaihhnawihah hian mi pathum manin, thubuai an siamsak.

September 11, 2022 zan khan Bawngkawn Police-te chuan Aizawl Zuangtui Vengah Lalhmingliana (29) s/o Lalmuanthanga, Myanmar hnen aṭangin sahbawn bawm 15-a dah heroin gram 205 an man. Heroin hi international market-ah cheng nuai 102.5 man a ni.

Champhai Police-te chuan September 12, 2022 khan Aizawl aṭanga Zokhawthar kal tur sumo pakhat aṭangin pseudoephedrine mum 1,80,000 (kg 28.8 leh lirthei khalhtu Rodingliana (50) s/o Vanlalauva, Bawngkawn te an man. Ruihhlo hi international market-ah cheng nuai 2,880 man vel a ni.

Nimin zing khan Mizoram Police-a CID (Special Branch)-te chuan Selingah Baleno car pakhat aṭangin heroin kg 1.292 leh lirthei khalhtu Kamal Hossen (27) s/o Isab Ali, Tripura an man. Heroin hin international market-ah cheng nuai 646 man a ni.