HC Judge-in Central Jail a tlawh

Gauhati High Court Judge Justice Nelson Sailo chuan nimin khan Central Jail, Aizawl a tlawh a, High Court Legal Services Committee (HCLSC) te'n dan leh hrai inzirtirna an buatsaih nghal.

Justice Nelson Sailo chuan,"Jail aṭanga in chhuah hunah chhungkhat leh ṭhenawm khawvengte tan mi ṭangkai nih tum ang che u," a ti a, jail tangte hnenah Mizo ṭawnga lehlin dan bu a sem nghal.

He hunah hian Gauhati High Court, Aizawl Bench registrar Joel Joseph Denga, Mizoram State Legal Services secretary R Vanlalena bakah, Central YMA, MHIP leh MUP aiawhte an tel.

Nimin vêk khan Central Women Jail-ah pawh Legal Awareness Programme neih a ni a; Gauhati High Court Judge Justice Robin Phukan-a'n hmanpuiin, Mizo ṭawnga lehlin dan bu a sem; Empanel lawyer Lalngaihsaki Fanai leh Gauhati High Court, Aizawl Bench joint registrar Gracy L Bawitlung bakah, MHIP Gen. Hqrs President te an tel bawk.