Thlai leh thei um hminna hawng

Horticulture secretary K Lalthawmmawia leh director Dr Elizabeth Saipari te chuan nimin khan Sesawng khuaah thlai leh thei um hminna Ripening Chamber pakhat ve ve an hawng.

Sesawng VC-II a Ripening Chamber hawngtu K Lalthawmmawia chuan, Ripening Chamber hawn thar chuan beiseina sang tak a pek thu a sawi a, "Thei leh thlai tharah chona thar min pe a, helaia khaw neitute'n theihtawp an chhuahna hian rah duhawm tak a hring chho mek," a ti a, cluster approach-a balhla chin chu chhunzawm zel tlak a nih thu a sawi.

K Lalthawmmawia chuan, Sesawng khua chu balhla khawpuiah siam ni se ṭha a tih thu sawiin, "Midangte neih ve loh Ripening Chamber pathum in nei ta hi in hnathawh rah leh in taimakna in a hrinchhuah a ni a, a um nan damdawi (carbide) hman phal loh chi reng reng hmang suh ang che u," a ti bawk.

Dr Elizabeth Saipari chuan Sesawnga VC-I ah Ripening Chamber thar a hawng a, "Mizorama balhla ching ṭha ber zing a mi Sesawng khua in Ripening Chamber in nei hi ka lawmpui che u a, dimdawi leh ṭangkai takin hmang ang ceh u," a ti a, Ripening Chamber chabi a hlan nghal.