Serchhip damdawi-in sakna turah pawl pahnih te an la inrem thei lo

Serchhip district bawrhsap Nazuk Kumar hoin nimin khan DC conference hall-ah Serchhip District Hospital thar sakna hmun tur chungchanga Bûkpui lama sak rawttu All NGO Coordination Committee aiawhte leh sawn chhuah phal lotu Joint Action Committee aiawhte an ṭhukhawm a; inremna an ziah theih rih loh avangin karleh Nilaini velah inhmuhkhawm leh ni se, an ti.

Ṭhutkhawmah hian Bawrhsap chuan pawl pahnihte duhna leh ṭhahnemngaihna a hriatthiampui thu a sawi a, "Damdawi-in thar kan neih theih nan a khawi emaw zawk zawk thlan fel a, hna thawh ṭan a ṭûl tawh," a ti a, sorkarin ṭha a tihna lam zawk zawka sak a nih theih nana zalenna pêk remtihna thu an ziah ve ve theih leh theih loh a zawt a ni.

Joint Action Committee aiawh lamte chuan an hruaitu pawimawh pahnihte zin lai a nih avanga inràwnkhawm leh rih deuh an duh thu an sawi a, karleh Nilaini vela inhmuhkhawm leh turin thu an dah a ni.