ZPM-in intuaitharna hun an hmang

ZPM chuan nimin khan tourist lodge, Chal­tlangah ṭawng-ṭaia in­tuaitharna hun an hmang a, Val Upa Coun­cil member Rev. Darchungnunga'n kaihruaiin, Dinthar Lehna Team speaker Upa C Zairemmawia'n thuchah a sawi.

Upa C Zairemmawia chuan Zoram mipui hi an sual a ni loa, an beidawng nia sawiin, "Mi beidawng reng rengin pawisak an nei ngai lo. Beidawngte hnenah beiseina thar pe tur che u hian ka beisei che u a, kalphung thar in sawi a, in sawi anga kal turin ka beisei che u a ni,” a ti.

Rilru put danah Pathian a lungawi chuan Pathianin mi a tichak ṭhin tih sawiin Upa C Zairemmawia chuan, "Kan hnenah hian a chakna tihlan a duh reng, Pathian hian a chakna tihlanna tur mihring a zawng," a ti a, rilru diktak putute tihchak hi Pathianin a châk thu a sawi.

Hun hnihnaah ZPM vice president Rev Dr K Thanzauva kaihhruaina hnuaiah rilrua awmte sawina leh ṭawngṭai rualna hun an hmang.