LMC roll revision neih tur sawiho

Lunglei district election officer (DEO) Kulothungan A, bawrhsap kaihhruaiin nimin khan Lunglei DC conference hall-ah Lunglei Municipal Council (LMC) atana electoral roll enawnna kalpui dan tur chungchang an sawiho.

Kulothungan A chuan, election hlawhtling tak nei turin electoral roll dik leh hrisel neih a pawimawh hmasa tih a sawii a, "LMC roll revision atana mawhphurhna chelhtute'n uluk leh fimkhur takin hna thawk ang che u," a ti a, harsatna leh hriat fiah duh an neihte inthlahrung loa Lunglei Election Office-a thlen vat ṭhin turin a chah.

LMC-ah hian Lunglei khawpuia veng 24 chu ward 11-ah ṭhen a ni a, ward pali chu hmeichhe ward tura hauh a ni.

Ṭhutkhawmah hian Municipal Electoral Registration Officer (MERO), Assistant Municipal Electoral Registration Officer (AMERO), leh Booth Level Officer (BLO)-te an tel a ni.