CYMA-in NHIDCL hotute an kawm
Central YMA hruaitute chuan nimin khan Aijal Club-ah Mizoram chhunga kawng laih hna thawktu NHIDCL project executive director Virendra Jhakhar leh senior manager Dhairya Vaibhav te an kawm.
Inkawmhona-ah hian NHIDCL hnathawh meka ram mipuite duh khawp lohna lai leh hna ṭha taka an thawh theih nana CYMA-in an duhthu an lo thlen tawhtea an bawhzui dante NHIDCL hotute hian report-in, an hmalak mekna pakhat - an kawng zauhnaa ko pang an laih hekna laiahte leimin ven nan hydro seedling & mulching technology hmanga thlai, thing leh mau an phun dan tur an sawifiah nghal.
CYMA hruaitute chuan thing leh mau ti chereu lo thei ang bera hna thawk turin NHIDCL hotute hi ngenin, chhiatna leh harsatna thlen lo thei ang ber tura hma la tur leh hmasawnna hna an thawh mek laia an paltlang khua leh mipuite'n harsatna an tawh loh nana hma lak sak ṭhin turin an chah a ni.
Inkawmnaah hian CYMA hruaitute rawtna angin September 21, 2022 hian NHIDCL-te hnathawhna a tam thei ang ber a hmun ngeia tlawh turin ruahmanna an siam nghal.
CYMA chuan NHIDCL-te'n Mizorama an hnathawh leh tur reng rengah an bulṭan tirhte aṭanga enpui a, an hnathawh thlithlai reng tawh ṭhin ni se an ti bawk.