Aizawl DC pisa sakṭhat hun tur hriat a la ni lo

Aizawl Bawrhsap Pisapui, December 17, 2021 zinga electric kal sual vanga kâng nia hriat chu sakṭhat nan sorkarin Rs 44,90,76,000 a ruahman a, sakṭhat hun tur hriat a la ni lo.

RTI Act hmanga zawhna PWD SPIO in a chhân danin, Aizawl Bawrhsap Pisapui sakṭhat dan tur preliminary drawing chu Chief Minister Office in a pawm (approved) tawh. Estimate chu Rs 44,90,76,000 a ni a, Special Central Assistance (SCA) fund vbc. 20 a awm bawk. Pawisa hi sanction a la ni lo a, sakṭhat hun tur pawh hriat theih a la ni lo.

Ruahman dan chuan DC pisa thar hi chhawng lia sak phawt tur niin, chhawng thum dang sak belh theih tura design a ni bawk.