Ramri chungchangah MZP dinna a ngai reng

MZP chuan nimin khan federal council sitting an nei a, MZP president Lalnunmawia Pautu chuan ramri chungchangah MZP dinna chu a ngai reng a la nih thu a sawi.

Lalnunmawia chuan Mizoram leh Assam sorkar ramri chungchanga inbiakna neih an tum chu ṭha an tih thu sawiin, "Beiseina sang tak nen kan thlir mek a ni. Chutihlaiin, ramri chunghangah MZP ngaihdan chu a la ngai reng a, kan pi leh pute luah chin ram BEFR, 1875 hi kan ram a ni," a ti.

MZP President chuan Mizo ṭhalai hna zawng mekte hmakhua an ngaih avangin pension rawih nawn rem an tih loh thu sawiin, mi bik leh thiamna bik nei an nih loh chuan pension tawh inrawihnawn tlut tlutna chu MZP chuan an dodal zel tur thu a puang.

MZP chuan ram leh hnam tan engtiklai pawhin theihtawp a chhuah ṭhin nia sawiin MZP President chuan , "Kan ram leh hnam tana ṭha nia kan hriatah chuan, miin min support lo mahse huaisen takin ke kan pen ṭhin." a ti.