KHAWTHLIR

DGP-in tlawh
Director General of Police (DGP) Divesh Chandra Srivastva chuan September 17, Inrinni khan Serchhip Police Station a tlawh a, Police Station tuala waiting shed leh Police Station chhunga guest room siam tharte a hawng. DGP chuan pawikhawihna case hrang hrang zingah rukruk case chu enzui uluk ngai bik anih thu leh patroling pawh uluk zawka neih a pawimawh thu a sawi.

Agriculture Minister MNYF-in lawmpui
Mizo National Youth Front (MNYF) chuan thuchhuah siamin Mizoramin Best Perfoming State in Agriculture Among the North East States lawmman a dawn theih avangin Agriculture minister C Lalrinsanga an lawmpui thu an tarlang a, "Kan chhuang takzet a ni," an ti. C Lalrinsanga hi September 17, Inrinni khan Delhi aṭangin a rawn haw a, MNF Ṭhalaite hian Lengpui Airport-ah an lo hmuak a ni.