Zorama'n sum harsatnate Union Minister-ah a thlen

Delhi-a cham mek chief minister Zoram­thanga chuan nimin khan Union Finance minister Nirmala Sitharaman chu a pisaah a kawm a, Mizoram sum harsatna leh mamawhte a thlen.

CM hian Union Finance Minister hnenah hian Mizoram dinhmun tlangpui - sum lama harsatna, Myan­mar buaina avanga raltlan rawn lut leh a kaihhnawih hrang hrangte a thlen a, hengahte hian Mizoramin sorkar laipui puihna a mamawh thu a hrilh.

Nirmala Sitharaman chuan theihtawp chhuah­­sak a tum thu leh state hmasawnna atan theihtawpa ṭanpui zel a tum tur thu a lo hrilh niin sorkar thuchhuahin a tarlang.

Nimin vêk khan CM Zoramthanga chuan Ministry of Social Justice and Empowerment changtu minister Virendra Kumar Khatik chu a chenna inah a kawm a, Mizorama old age home, de-addiction centre, scheduled tribe leh schedules caste hostel tihchangtlun chungchang a sawipui bawk.