Heroin an man tam telh tel

Excise & Narcotics department (END) in heroin an man zat aṭangin tunhnai kum hnih chhungin Mizoramah heroin a hluar chho hle tih a lang thei.

Mizoramah sorkar phalnaa zu zawrh a nih laiin END-te'n heroin an man zat hi a tam vak lo a, dan anga zu khap a nih hnuah erawh heroin man hi a pung chho chak hle.

Heroin man a pun chho chak viau lai hian heroin man erawh a tlawm chho telh telh thung a ni.

Tunhnaiah END leh Police-te chuan ni tin deuhthaw heroin hi eng emaw zat an man ṭhin a ni. Ruihhlo a hluar nasat avang hian Central YMA pawhin hun eng emaw chen hnuah ruihhlo do pawl Central Anti Drugs Squad an din leh a ni. Hetihlai hian END-te'n ruihhlo chi khat methamphetamine an man zat erawh a tlahniam thung a, kuminah erawh kum hmasa aiin man a tam tawh thung. Kum 2021 chhung khan methamphethamine hi kg. 12.268 an man laiin, kuminah chuan kg. 33.914 an man tawh a ni.