MPF-in thawhhona tihhlawhtlin an tum

Mizoram People Forum (MPF) Governing Body chu nimin khan MHIP general headquarters pisaah an ṭhukhawm a; MPF leh political party-te thawhhona thuthlung a hlawhtlin ngei theih nan ṭan lak an tum.

Inthlanna thianghlim a awm ngei theih nana rilru leh ngaihtuahna sêng turin mipui an ngen bawk.

MPF chuan, thawhona thuthlung a hlawhtlin ngei theih nan political party mi leh sa zawng zawngin ṭan an lak an beisei thu sawiin, inthlanna thianghlim leh duhawm tak a awm ṭhin chu thawhhona ṭhat vanga a ni tih an sawi a, "Inthlanna thianghlim leh ṭha a awm leh ngei theih nan rilru leh ngaihtuahna sênga ṭan la turin mi zawng zawng kan ngenin kan beisei tlat a ni," an ti.

Meeting-ah hian General Sec­retary report te, Finance report leh kum 2018-19 Annual Budget-te an thlirho a; September 22, 2017-a Annual General Meeting an neih tur programme an thlirho bawk.