PUC-ah Recall Show buatsaih

Pachhunga University College (PUC)-a Mizo department-in Recall Show leh Serkawn Cocert lehkhabu an buatsaih chu nimin khan PUC Seminar Hall-ah MLA Joseph Lalhimpuia'n a tlangzarh.

Joseph Lalhimpuia chuan, kum 1932-ah Rev. HW Carter-a, Mizote'n Zochhawni Pa tia an koh ṭhinin Serkawn Middle School zirtirtute chu hla chi hrang hrang - hla lénglàwng leh hla pawisawi lo chi hrang hrang phuaha ṭan la tura a fuihin tih sawiin, "Zirtirtu hoin hla chi hrang hrang an phuah hmangin concert buatsaih ṭhin a ni ta a; hla chauh ni loin, lemchante pawh concert-ah a tel ve ziah a, naupangte tan inzirtirna ṭha tak a ni," a ti.

PUC principal Dr Tawn­enga pawhin thu sawiin, Mizote'n thu leh hla lama hma a sawn zel theih nan hnam rohlute vawn ṭhat leh Mizo taka awmte ṭhang­tharteah zir tura pholan a ngai tih a sawi a; zirlaite chu Mizo hnam nun mawi chawisang zel turin a chah.

Inkhawmah hian rambuai lai aṭanga tun hun thlenga Mizote nun dan phung tarlanna, Recall Show entir a ni. Serkawn Concert hi kum 1932 aṭanga kum 1946 thleng hman a ni a, Mizo hla ṭha tak tak 100 chuang a pian chhuah phah a ni.