Sikul ṭan hun sawiho

Science Teachers Association, Mizoram (STAM) chuan September 2, Inrinni khan Synod Conference Centre, Aizawlah sikul ṭan hun sawihona leh inrâwn khawmna a buatsaih a, tlawmngai pawl aiawhte leh zirtirtu pawl hrang hrang aiawhte an tel.

STAM chairman Dr R Lalengmawia chuan, Mizoram sorkarin kum 2015 aṭanga sikul ṭan hun zing dar 8 a hman tak chungchang zir chianna atan district hrang hrang parukah zawhna an thawn chhuah thu a sawi a; chhanna 4,800 chuang hmuh a nih thu te, zirlai, zirtirtu, zirlai nu leh pa, bus leh taxi driver-te'n an chhan thute a sawi bawk.

Sikul ṭan hun chung­chang sawihonaah hun chu RK Lianzuala, ZONET Cable TV-in a kaihruai a; pawl leh mimalte'n an ngaihdante an sawi a ni.