Mizoram leh Assam Chief Minister inbe dawn

Vawiin chawhnu dar 1 hian ramri chungchangah Mizoram chief minister Zoramthanga leh Assam chief minister Himanta Biswa Sarma-te Delhi-a Assam House-ah an inbe dawn.

November 26, 2021 khan Zoramthanga leh Himanta Biswa Sarma hi Union Home minister Amit Shah hoin ramri chungchangah Delhi-ah an lo inbe tawh a, buaina tel loa Assam leh Mizoram ramri sawifel an rêl a ni. Hemi hma ní hian state pahnih CM-te hian Delhi-a Assam House-ah zanriah an kildun a ni.

Ramri chungchangah hian Home minister Lalchamliana kaihhruai leh Assam Border Development & Protection Minister kaihhruaite pawh October, 2022 chhung hian Guwahati-ah inbiak leh an tum a ni.