Larsap leh AR hotuin ramri dinhmun an sawi dun ; IG AR-in kawngpui chhia a tih thu Larsap a hrilh

Inspector General of Assam Rifles (East) – major general VK Nambiar, YSM, SM VK Nambiar chuan nimin khan Raj Bhavan-ah governor Dr Hari Babu Kambhampati a kawm a, India leh Myanmar ramri chungchang venhimna leh thil paiwmawh dangte an sawi dun a, Assam Rifles hotupa chuan Mizoram kawngpuite chu chhia a tih thu Larsap hi a hrilh.

Governor chuan Myanmar aṭanga dan phal loh rawn lut tur do kawngah state administration leh Assam Rifle thawhhona ṭha a tih thu sawiin, Assam Rifle hmalakna lawmawm a tih thu VK Nambiar hi a hrilh.

Larsap leh Assam Rifles hotu hian Myanmar ramria thil thlengte sawi dunin hel pawl an awm thu leh heng mite hi Mizorama dan loa an luh lohna tura inralrin a pawimawh thute an sawi.

Inkal pawhna kawngpui a ṭhat loh thu sawiin Inspector General of Assam Rifles chuan, Larsap hnenah kawngpui chhia avanga harsatna thlen dante sawiin, "Hmun kilkhawr zawkte leh district headquarter-te pawh intlawh pawh zung zung a nih theihna atan siam ṭhat a ṭul hle," a ti.