State Tourism Ministers conference-ah tel

Union Tourism minister GK Reddy hoa Dharamshala, Himachal Pradesh-a ni thum awh State Tourism Ministers Conference neihah Tourism minister Robert Romawia Royte pawh a tel a, Mizorama khualzinte hipna tura hmalak dan hrang hrang a tarlang.

Robert Romawia hian power point presentation hmangin Mizorama Tourism hmalaknate a tarlang a, "Mizoram chu ramngaw tamna, lui leh tlang awm dante pawh danglam bik a ni. Sik leh sa a nuam tawk a, sports events leh kût nuam tak tak bakah, ram ralmuang a ni a, khualzinte tan chawlh hahdamna ṭha a ni," a ti a, Mizoram tlawh turin a sawm.

Conference hi nizan khan a ṭiak a, Himachal Prasesh chief minister Jai Ram Thakur, sorkar laipui hotu te, state hrang hrang Tourism Minister te, India huap Tour Operators, Travel Agents, Hoteliers-te bakah, corporation leh company hrang hrang hotute an tel.

Minister Robert Romawia hi Tourism principal secretary Manisha Saxena, joint secretary V Lalengmawia leh director Saitluanga te'n an ṭawiawm a ni.