Agency lem laka fimkhur turin chah

Aizawl district bawrhsap Dr Lalhriatzuali Ralte chuan nimin khan thuchhuah siamin, hnazawng mekte chu agency lem laka fimkhur turin a chah.

Bawrhsap thuchhuah chuan, "Tunlai hian Aizawl district-ah Mizoram Private Placement Agency Licence nei lo, sorkar hriatpui loh, agency lem eng emaw zat a awm tih hriat a ni a, heng mite hian state pawn leh ram pawnahte hnathawk turin mi an tir chhuak a, India Constitution Article 23 (1) in a tarlan angin human trafficking-a inhamhnawiha ngaih an ni," a ti a, hetiang titute hremna a sân thu leh an hnathawhna hmunah harsatna an tawhin sorkar angin hma lak a harsat thu a tarlang.

DC tarlan ṭhenkhat
# Aizawl district-ah agency lem a tam.

# India Constitution Article 23 (1) in a tarlan angin human trafficking-a inhamhnawiha ngaih an ni.

# Kan fate'n an hnathawhnaa harsatna an tawh loh nan district mipui, nu leh pate'n he hriattirna hi ngaih pawimawh tur.

# The Mizoram Private Placement Agencies (Regulation) Act, 2015 hnuaia valid licence nei, sorkar hriatpui agencies-te chauh dawr ṭhin tur.