OET exam turte thlah

Mizoram Youth Commission (MYC) leh Mizoram OET Coaching Hub (MOCH) chuan September 19, Thawhṭanni khan Occupational English Test (OET), Kolkata-a exam tur batch hmasa berte thlahna hun an hmanga, MYC chairman Dr Vanlalṭanpuia, MLA-in a hmanpui.

OET hi medical professional-te tana English Language Test Exam a ni a, exam hi India ram aṭanga UK, Australia, New Zealand, USA, Canada, Ireland leh ram hrang hranga hnathawk duhte tan paltlang a ngai. Exam paltlang tawhte chu heng ramahte hian hna an thawk thei a ni.

He exam hi Mizoram tan MOCH kaltlanga exam vawi khatna a ni a, exam tura kalte hi MYC chuan an fee tur a tumpui a ni.