Joint NGO hruaitute'n Delhi an pan

NGO Coordination Committee (Joint NGO)-a tel pawl hruaitute chuan, Joint Committee on Citizen (Amemdment) Bill, 2016 hotute hmu turin nimin khan Aizawl an chhuahsan a, New Delhi an pan.

Joint NGO aiawha New Delhi-a kalte hi Central YMA president Lalbiakzuala leh treasurer J Lalsailova, MZP presi­dent Lalsangzuala Ngen­te leh general secreta­ry L Ramdinliana Ren­thlei, MSU general secre­tary Lalthanzuala leh finance secretary B Lalkhaw­ngaihsanga te an ni.

Joint NGO hruai­tute hian Citizen (Amend­ment) Bill, 2016 duh lohna leh kaltlangpui lo tura ngenna, Joint Memorandum an siam chu Parliament hnuaia Joint Committee hotute hnenah pek an tum a; Joint Memorandum-ah hian Joint NGO-a tel pawlte bakah, political party panga - Congress, MNF, MPC, ZNP leh BJP hotute'n hming an ziah hnan a ni.