EPFO-in Covid-19 lên chhungin Cheng nuai 1,600 an pe chhuak

Employees Provident Fund Organisation (EPFO), Shillong Office chuan an hnena inziak lut, Mizoram leh Meghalaya-a mi 3,113 hnenah Covid-19 lên tirh aṭanga July 21 thleng khan cheng nuai 1,600 an pek chhuah tawh thu an tarlang.

Regional Provident Fund commissioner KK Srivastava chuan, Mizoram leh Meghalaya aṭanga EFF sum lak chhuah dilna an dawn aṭangin Covid-19 lèn chhungin mi 3,113 hnenah cheng nuai 1,600 an pek chhuah tawh thu hi July 21 khan a sawi a, "Covid-19 thil bikah dilna (claim) 1,505 chinfel a ni a, chuta tan chuan cheng nuai 531 pek chhuah a ni," a ti. 

KK Srivastava sawi danin, Shillong-a EPFO-a inziak lut zingah PMGKY ṭanpuina dawng thei mi 10,451 an awm a, chu'ng zinga mi 1,532 chuan March 2020 khan ṭan­puina dawngin, an dawn belhkhawm chu cheng nuai 28.05 a ni. April thlaah mi 2,079 hnenah cheng nuai 37.48, May thlaah mi 2,055 hnenah cheng nuai 36.39 leh June thlaah mi 1,216 hnenah cheng nuai 21.59 pek chhuah a ni bawk.