MP Vanlalvena'n BSF hotu a kâwm

Rajya Sabha MP K Vanlalvena chuan nimin khan Delhi-ah BSF director general SS Dewal a kâwm a, Mizorama BSF sipai zinga Covid-19 vei an tam lutuk chungchang a sawipui. Sorkar thuchhuah tarlan danin, SS Deswal hian Kolkata-a BSF additional DG be nghalin, BSF campus chhungah quarantine centre leh hospital siam leh zauh turin thu a pe nghal a; K Vanlalvena chu battalion movement an khap rih tawh thu a hrilh. K Vanlalvena chuan, Bangladesh mi ramria an rawn lut ru ṭhin a ngaimawh thu a sawi a; hemi chungchangah hian BSF Director General chuan Bangladesh ramri chu uluk zawk a ven a nih tur thu a sawi a ni.