MNYF-in MZU VC nghet awm lo pawi ti

MNF ṭhalaite chuan thuchhuah siamin, Mizoram University (MZU)-in kum hnih dáwn vice chancellor (VC) nghet a nei lo chu pawi an tih thu an tarlang a; MZU VC nghet dah tura Mizoram University Students' Council (MZUSC) leh MZU hnuaia pawl hrang hrangte hmalakna an thlawp thu an puang.

MZU VC nghet tura candidate short list pawhin interview/interaction an neih hnuah thla li vel a liam leh tawh tih sawiin MNYF chuan, "Heti chunga MZU-in ngaih pawimawh a hlawh lo hi pawi kan tiin lungchhiatthlak kan ti tak zet," an ti a; MZU-a zir hnam dangte ngaihah pawh a thangtlàwm thlak hlea an hriat thu an sawi.