MZU-ah Court Arrest/Demand Day

6th September, 2017

Mizoram University Teachers’ Association (MIZUTA) chuan nimin khan MZU campus-ah 'Court Arrest/Demand Day' an hmang a; kawng an zawh bakah, MZU Auditorium kawtah an pungkhawm.

Court Arrest/Demand Day hi All India Federation of University and College Teachers' Organizations (AIFUCTO) leh Federation of Central University Teachers' Association (FEDCUTA) huaihawta neih a ni a, August 22, 2017-a Black Day an lo hman tawha an thil phûtah chhanna an hmuh loh vanga huaihawt a ni.

AIFUCTO leh FEDCUTA thil phûtte chu UGC Pay Review Committee Report tlangzarh te, 7th. Pay Commission hman ṭan te, post ruak awmte a nghet tura hnawhkhah te, API tihtawp te, time bound promotion tihchangtlun te, thawktu zawng zawng tana pension siamte leh, Retrograde Education Policy-te hnuhkîrte a ni.