Kawng chhiat lutuk vangin Mamit maxicab-te an châwl

Mamit Maxicab Owner's Association (MMOA) leh Mamit Maxicab Driver's Association (MMDA) chuan, Aizawl leh Mamit inkar kawngpui chhe lutuk vangin September 5, 2017 aṭang khan Aizawl-Mamit maxicab service an chawlhtir.

MMOA president Lalhmachhuana chuan, an maxicab-te an dintir chhan chu, Dapchhuah leh Mamit inkar kawng chhiat lutuk vang leh mihring zin veivâk tan a him tâwk loa an hriat vang a nih thu a sawi. Kawng enkawltu, PWD Highway Division leh an hnuaia kawng siamtu Gayatri company chu kawng chhe zual laite siamṭha tura an ngen thu leh, kawng siam ṭhat a nih veleh tlân chhunzawm an tum thu a sawi bawk.

PWD (Highway) hotute sawi danin, Aizawl-Mamit kawng hi Gayatri company-in September 5 aṭang khan an siam ṭan a, kawng chhe zual laia duty tur an dah bakah, Dap lui bula kawng chhe zual laia lirthei táng nawr chhuak turin JCB an dah a ni.