CM leh ADC hotute inkâwm

Chief minister Lal Thanhawla hoin nimin khan Chief Minister's Office conference hall-ah autonomous district council (ADC) pathum hotute an inkâwm a, thil pawimawh hrang hrang a sawipui.

Chief Minister chuan, ADC-te chu tun hnaiah fimkhur an ngaihna laite a lo hriat ṭhin thu sawiin, fimkhur taka ram rawngbawlna kalpui zel turin a chah a, "Administration kenkawh tluk zetin sum hman dan dik taka kalpui a pawimawh. ADC-te'n financial discipline khauh taka an zawm leh lang­tlang taka an hnathawhte an hlen Governor pawhin a beisei a ni," a ti.

Meeting-ah hian department 19 enkawlna chungchang leh mawhphurhna te, state aṭanga ADC hnena hlan tawh chungchanga sorkar dinna te, ADC-te thil phût - ‘Transfer of Subjects to the three Autonomous District Councils’ te, sum hmanna tur bik thliar hranna chungchang ‘Separate Head of Accounts for District Council & Minority Affairs Department’ leh thil pawimawh dangte an sawiho a ni.