Zirlai thar lawmna hun hmang

Mizoram Polytechnic, Lunglei chuan nimin khan an multipurpose hall-ah zirlai lut tharte lawmna hun an hmang a, minister PC Lalthanliana'n a hmanpui.

PC Lalthanliana chuan zirlaite fuihna thu sawiin, "He zirna hmunah hian tu nge i nih tih hian i dam chhungin tu nge i nih tih a hrilhfiah dawn a ni. Zirlai nih laia nuamsa taka lehkha zir hi hlawhtlinna a ni lo a, harsatna phenah hlawhtlinna a awm zawk. Hlawhtling tur chuan tumruhna leh hlawh­tlin duh tak takna rilru neih a pawimawh," a ti.

Mizoram Polytechnic hi kum 1981-ah din a ni a, zirlai 251 (mipa 210 leh hme­chhia 41) leh thawktu 73 an awm mek. Mechanical engineering, civil engineering, electrical engineering leh computer science engineering course bakah, skill development lam zir theih a ni.