AMC leh Durtlang an inbia

Aizawl Municipal Corporation (AMC)-in Display of Advertisement and Hoarding Regulation, 2013 tlawhchhana Durtlang leh a chhehvela phalna tel loa fakna leh thuziak târte AMC-in an tihchhiat chungchang chu September 5, Thawhlehni khan Aizawl mayor PC Lal­hmingthanga hoin Durtlang khawthleng YMA Joint Action Committee hruaitute'n an sawiho a; a rang thei ang bera chinfel dan ngaihtuah ni se, an ti.

Aizawl mayor PC Lalhmingthanga chuan, Dur­tlang khawthlengte harsatna tawh chu chingfel tura hmalak an remtih angin, a theih ang anga bawhzui a nih tur thu a sawi.

AMC hian Display of Advertisement and Hoarding Regulation, 2013 tlawhchhana Aizawla phalna nei loa hoarding, banner leh poster târte August 28, 2017 aṭanga an senghawinaah, AMC Ward-I chhung, Durtlang leh a chhehvela thu tarte chu tihchhiat a ni a; chu chu Durtlang khawtlangin hrethiam loin, September thla chhung ngeia siamṭha turin AMC an phût a ni.