Mizoram sorkar opening balance Kum 2019-2020 aṭangin a minus

Nimina tlangzarh tâk Mizoram Statistical Abstract, 2021-a tarlan a nih danin, kum 2010-2011 hnuah kum 2019-2020 aṭangin Mizoram sorkar opening balance a minus leh ṭan.

Kum 2010 - 2011 khan Mizoram sorkar opening balance chu cheng nuai -13,086.53 niin, hemi hnulamah erawh chuan Mizoram sorkar hian opening balance cheng eng emaw zat a nei char char ṭhin. Kum 2019-2020 aṭangin Mizoram sorkar opening balance chu a minus leh ṭan a, hemi kum hian cheng nuai -16,649.54 a ni.

Mizoram sorkar hian kum 2008-2009 hnu lamah chuan a sum hmuh aiin a hman zat a tlem tlangpui (revenue surplus) ṭhin a, kum 2013-14 leh 2014-15 ah erawh sum hmuh aiin a hmang tam (revenue deficit) zawk. Kum 2014-15 hnu lamah erawh revenue surplus-in Mizoram a kal char char a, hun eng emaw chen hnuah kum 2021-2022 ah erawh sum hmuh aiin a sum hman a tam leh tawh zawk a ni.