Raltlante khuahkhirhna siam

Kolasib district bawrhsap John LT Sanga chuan Myanmar raltlan Kolasib district-a awmte khuahkhirh dan tur chungchangah nimin khan thuchhuah a siam a; Village Level Committee on Myanmar Refugee-te chu thupek bawhzui tur leh dan zawm lote chu thuneitute hnenah hriattir turin a ngen.

Raltlante khuahkhirhna
# Raltlante'n an mahni hming emaw midang hming hawhin emaw in/ram an lei tur a ni lo.

# Anmahni thuin an duhna hmunah an insawn tur a ni lo.

# Eng emaw vanga khaw danga insawn duh an awm chuan VC/Village Level Committee on Myanmar Refugee hnenah an in-report tur a ni.

# Sorkar hriatpuina lo chuan sumdawnna an ṭan tur a ni lo.

# Dan phal loh sumdawnna ang chi reng reng ken luh leh zawrh phal a ni lo.

# Myanmar aṭanga an lirthei rawn ken luhte mumal takin VC/Village Level Committee on Myanmar Refugees-te hnenah an hriattir tur a ni.

# Raltlante hian dan loin Aadhar card/voters ID/driving license leh a dangte an siamtir tur a ni lo.