SYS Thisen pek runpui

Sports & Youth Services (SYS) department-in September 6 aṭanga Mizoram hmun hrang hranga thisen pek rûnpui, 'Voluntary Blood Donation Drive' an huaihawt chu niminah pawh chhunzawm a ni a, vawiinah pawh chhunzawm leha zawh a ni ang. SYS department-in thisen pek rûnpui an buatsaihah hian sport discipline hrang hranga mite bakah, Nehru Yuva Kendra, Youth Hostel Association of India, Mizoram State Sports Council, Scouts & Guides, Adventure, National Cadet Corps leh National Service Scheme-te'n thisen an pe a; thisen petute zingah higher secondary school leh college-a zirlai

ṭhahnem tak an tel. September 6 khan Aizawl Civil Hospital (ACH)-ah thisen unit 190 pek a ni a; nimin khan ACH-ah mipa 61 leh hmeichhia pasarihin thisen unit 68, Synod Hospital tan mipa 54 leh hmeichhia pasarihte'n Dawrpui School hall-ah unit 61 an pe a ni. Lawngtlaiah chuan mipa 26 leh hmeichhia parukin unit 32 an pe a; Serchhipah mi ṭhahnem takin an pe bawk.