Bank-ten Special Camp an buatsaih

Aizawla bank hrang hrangte chuan, nimin khan bank account-a Aadhaar number leh mobile phone number thlun zawm beih­pui thlakna, Special Camp Aizawla hmun pangaah an buatsaih a, vawiinah an chhunzawm leh dawn.

Special Camp-ah hian bank pariat an tel a, zing dar 9:30-ah ṭhu ṭanin, tlai dar 4 thleng an awm a; mi ṭhahnem takin dawrin, an bank account leh Aadhaar number an thlun zawmtir a ni.

Camp hi Bawngkawn YMA Hall; Rural De­velopment directorate conference hall, Chan­mari; Transport direc­torate conference hall, Vanapa Hall bul; Khatla YMA Office leh DYO Hall, Mission Vengahte neih a ni a; vawiinah pawh chhunzawm tur niin, bank hotute chuan bank account leh Aadhaar no. la thlun zawm lote chu kal vek turin an ngen.

Hemi ti tur hian Aadhaar card original leh photo (xerox) copy ken a ngai a ni.