Kawng siam turin Sorkar a inpeih - Zira

Agriculture depart­ment leh AH&Vety department chuan, nimin khan Saitual BRC Hall-ah NLUP an sem a; khual­lian, minister R Lalzir­liana chuan, inkal­pawhna kawngpui chhe lutuk siam ṭha turin sorkar a inpeih reng niin a sawi.

R Lalzirliana chuan, ruahtui a han mai theih loh avangin kawngpui siam hna ṭan theih a nih loh thu a sawi a, "Inkalpawhna kawng chhe tam lutuk siam ṭha turin sorkar a inpeih reng tawh a, a thawktu turte pawh work order siamsak an ni tawh a, thawh theih hun nghah mek a ni. Ruahtui tlak reng vanga kawng siam lawk theih a nih loh avangin sorkar pawhin mipui hriatthiamna a ngen a ni," a ti.

Sorkar aṭanga a thlawna hamṭhatna dawnte chu hmang riral mai lo a, chhungkaw din­chhuahna atan ṭhahnem­ngai taka hman ṭangkai a ngai tih sawiin R Lal­zirliana chuan, NLUP ṭanpuina dawngtute chu ṭanpuina an dawn dik taka hmang turin a chah.

NLUP ṭanpuina sem a nih bakah hian, PRRS hrileng vanga Ṭawi bial chhunga NLUP vawk thi 82 neitute hnenah râlna hlan nghal a ni.