English hlau lo turin fuih

Lunglei Higher Secondary School-a 'Spoken English Course for Higher Secondary School Students' buatsaih chu nimin khan khar a ni a, an hun hmanpuitu Joseph Lalhimpuia, MLA chuan English chu hlau lo turin zirlaite a fuih.

Joseph Lalhimpuia chuan english leh ṭawng reng reng chu inbiak­pawhna tur a nih thu sawiin, "Kan pianpui ṭawng a nih loh chuan hlauh­na a awm tel ṭhin a, inbiakpawhna hmanrua ani tih hre rengin hlau loin ngam takin ṭawng dangte hi i hmang ṭhin ang u. Ṭawng hi zira thiam theih a ni," a ti.

Course coordinator PC Vanlalruata sawi danin, Spoken English Course hi Mizoram In­stitute of Spoken English, SCERT & District Edu­cation Office te ṭang­kawpin an buatsaih a ni a, Mizoramah higher secondary zirlaite tana buatsaih vawi khatna a ni. Leitlangpui HSS leh Lunglei GHSS Lunglei aṭangin zirlai 87-ten course ṭha takin an zo a ni.