Strawberry chíngtute harsatna enfiah

Horticulture minister PC Lalthanliana chuan, nimin khan Niawhtlang-III khaw mite'n strawberry an chìnna hmun a tlawh a, harsatna an tawh dan a enfiah.

PC Lalthanliana chuan, Niawhtlanga straw­berry chíngtute chu mi rinawm leh taima taka hna thawk ṭhin an ni tih sor­karin a hriat thu a sawi a, "In harsatna tawhah pawi kan ti a, nangmahni ṭanpui turin ke kan lo pên vat a ni. Kut hnathawktu rinawm leh taima, tih tak tak a hnathawktute laka sorkar rilru put hmang leh thleibik a neih lo ziah chu Niawhtlanga strawberry chingtute hi a hre chiang bertu tur in ni," a ti.

Sorkar thuchhuah tarlan danin, Niawhtlang-III hian nikumah strawberry aṭangin cheng nuai 50 vel an lei chhuak. Kuminah chuan ruahtui a tlak tam lutuk vang leh sik leh sa inthlak danglam nasa lutuk vangin natna hrikin a bei nasa a, an chin zinga 80% chu a thi a ni.

Sorkar chuan strawberry chingtute harsatna chu hriain, NEDP hnuai aṭangin an strawberry chinna hmunah zikhlum (off-season cabbage) chin­na turin ruahhmanna siampuiin mi 22 hnenah ṭanpuina a pe.