Zirlaite'n hmai tuamna An neih dan tur sawiho

July 22, Nilaini khan Higher & Technical Education (HTE) minister Dr R Lalthangliana hoin a pisaah School Education minister Lalchhandama Ralte, HTE leh School Education department hotute'n zirlaite tana hmai tuamna mamawh a nih dan leh an neih theih dan tur an sawiho.

Meeting-ah hian, sikul leh college academic session ṭan a nih huna zirlaite Covid-19 laka an invènna tur hmai tuamna an hman ṭulna leh pawimawhna te, Mizorama zirna-in leh zirlaite din­hmun te, Mizorama deh chhuah ngei hmai tuamna hmang­a zirlaite mamawh phuhrûk theih dan turte sawiho a ni. Ṭhutkhawma an thu ngaih­tuahte chu Committee for Promotion of Locally Manufactured Protective Gears, hmai tuamna ṭhuitute leh department pahniha thuneitute'n a ṭul angin an bawhzui dawn a ni.