Ni 3 chhung truck tlân dawn lo

Mizoram Truck Owners Association (MTOA) leh Mizoram Truck Drivers Association (MTDA) chuan thuchhuah siamin, Bairabi leh Aizawl inkar kawngpui chhia avangin September 11-13, 2017 chhung Mizoram pumah an tlân dawn loh thu an puang.

MTOA leh MTDA chuan, Bairabi leh Aizawl inkar kawngpui chhe lutuk siam turin hun eng emaw chen sorkar an ngaihchàn tawh thu an sawi a, "Kan beisei anga siam a nih tâk loh avangin, hna thawktute'n thâwl zawka kawng an siam theih nan September 11-13 chhung Mizoram pumah truck kan tlan/che dawn lo a, hei hian state dang truck-te pawh a huam ang," an ti. State páwn lam truck, an khaw lama haw turte erawh a huam lo tih an tarlang.