SYS-in thisen pek chhunzawm
Sports & Youth Services department-in September 6-8, ni thum chhung Mizoram hmun hrang hranga thisen pek rûnpui an huaihawt chu nimin khan zawh a ni.
Niminah chuan sports association hrang hrangin Aizawl Civil Hospital (ACH)-ah mipa 49 leh hmeichhia 14-in thisen unit 63 an pe. Kolasib-ah chuan Parish Hall-ah camp buatsaih niin, thisen unit 53 an pe a; Siaha College hall-a donation camp-ah mipa 32 leh hmeichhia 18-in unit 50 an pe. Mamitah pawh mipa 18 leh hmeichhia pahnihte'n unit 20 an pe bawk.
SYS huaihawt vek hian Ningani khan Serchhipah unit 48 pek a ni a, Champhaiah unit 59 pek a ni. Ni thum chhung hian Aizawl Civil Hospital-ah chuan thisen unit 321 pek a ni.