MZU VC nghet dah thuai phût

National Students' Union of India (NSUI), Mizoram chuan thu­chhuah siamin, kum khat leh thla kaw chhung Mizoram University-in vice chancellor (VC) nghet a nei lo chu pawi an tih thu an tarlang a, "A rang thei ang bera MZU-a VC nghet dah turin sorkar laipui kan phût," an ti.

Congress party zirlai pawl, Mizoram NSUI chuan, MZU-in VC nghet a neih thuai theihna tura Mizoram University Students' Council hmalakna chu an thlàwp tlat thu sawiin, "BJP kaihhruai sorkar laipuiin MZU VC nghet neih hun tur a tikhawtlai lui tlat hian ngaih a tiṭha lo tak zet. MZU-ah hian BJP sorkar hian RSS mi leh sa VC tur a la zawng hmu zo rih lo em ni tih hi kan zawhna a ni," an ti.