MZP-in foreigner thawn haw tura hmalak rel

MZP chuan nimin khan an pisa conference hall-ah Federal Council sitting an nei a; "Bangladesh aṭanga Mizoram chhunga dan loa foreigner lo lutte thawn haw an nih theih nan hmalak ni rawh se," an ti.

MZP Federal Council thurel dang zingah - birth & death registrar-te Chakma khuaah Chakma vek an nih ṭhin avangin, fimkhur taka kalpui tura sorkara thlen te, sorkarin zirtirtu lak an tum mek chak zawka kalpui a, thingtlanga zirtirtu indaih lohnaa dah a nih theih nana hmalak te, Mizorama Chakma leh Bru chet vel dan buaipuitu tur sub-commitee dinte a tel.

MZP chuan resolution an pass a, "Mizoram University Students' Council-in MZU vice chancellor nghet nei tura hma an lak mek hi MZP chuan a thlawp tlat a. MZU-in VC nghet an neih theih nan hmalak ni se tha kan ti," an ti.