END-in ruihhlo an man

Excise & Narcotics department (END)-a Anti Narcotics Squad chuan September 8-9, 2017 khan hmun hrang hrangah heroin leh ruihhlo dangte an man.

END Anti Narcotics Squad hian Central YMA hnuaia SRS nen ṭang rualin September 9 chawhma dar 10:30 khan R Lalhmahruaia (23) s/o R Lalhmuchhuaka, Rangvamual Mel-3 nia inchhál hnen aṭangin heroin gram 8, ganja gram 30 leh rakzu litre 35 an man.

September 8 khan Khatla, Maubawk leh Zuangtuiah heroin gram 192 an man a; a neitua puh - Lalbiakliana (29) s/o Lalkhuma, Mau­bawk (Ṭámdo Veng), Ben­jamina (29) s/o T Ram­chhunthanga, Maubawk (Ṭámdo Veng) leh Vanlalchhungi (30) w/o Lalruatthanga, Ṭhuam­pui Veng, Aizawl nia inchhálte chu an man tel.

September 8 tlai dar 6 khan Zuangtuiah heroin gram 36 leh a neitua puh Lalenkawla (26) s/o Thangdeihdina, Champhai Bethel Vengthar nia inchhál an man bawk.