Lok Adalat-ah Thubuai 244 ching fel

September 9, Inrinni khan National Legal Services Authority ruahmanain National Lok Adalat neih a ni a; Mizoramah pawh State Legal Services Authority leh District Legal Services Authority-te'n hmangin, thubuai 362 ngaihtuah zinga 244 chinfel a ni.

National Lok Adalat puala Mizorama Lok Adalat neihah hian thubuai chi hrang hrang 362 niin, chung zinga 244 chu chinfel a ni a; Mizoram puma thubuai chinfel hlut zawng chu Rs. 1,85,83,726.4 a ni.

Thubuai zingah bank-a leibat thubuai tam berin, 255 a ni a, chung zinga 198 chu chingfelin, pawisa zat chu 1,77,63,560.36 a ni. Money suit (leiba inṭhìnna) 73 awmin, case 25 chinfel a ni a, sum hmuh chhuah zat chu Rs. 6,93,406 a ni.

Civil suit case 12 zinga pathum chinfel a ni a, chuta ṭang chuan Rs. 1,03,000 an hmu chhuak.