Registrar of Birth & Death bàn

Borapansuri khuaa Birth & Death registrar, Sura Bindu Chakma chu India rama piang ni lo hnenah birth certificate a pe nia hriat a nih vangin a hna, Registrar of Birth & Death aṭanga bàn a ni.

Thu dawn danin, Sura Bindu Chakma hi India rama piang ni lo hnenah birth certificate a pe nia hriat a ni a, Economics & Statistics department chuan insawifiah turin a ti a; a insawifiahna chu department thuneitute'n an zir chian hnuah, Birth & Death registrar aṭanga chawlhtir an titlu a ni.

Economics & Sta­tistics department hian Sura Bindu Chakma chu sikul zirtirtu a nihna aṭanga bàn turin an rawt bawk a; a bàn theitu erawh chu Chakma Autonomous District Council hotute a ni thung.

Economics & Sta­tistics department hian Mizoramah Birth & Death registrar 842 an nei a, chu'ng zinga 103 chu damdawi-in hrang hranga awmte niin, a dang zawng chu khua leh venga registrar hna thawk an ni.