Certificate tihdanglam ngaiah hriattir

Mizoram Baptist Kohhran chuan thuchhuah siamin, tûn hmaa inneih certificate, nau hlanna certificate leh baptisma certificate pêk chhuah tawhah hming ziah dân tihdang­lam ngai a awm chuan, tualchhûng kohhran com­mittee-ah dil turin an kohhran mite a hriattir.

BCM thuchhuah chuan, sorkarin Aadhaar card leh birth certificate-te a ngaih pawimawh avang leh, a hun leh ní te, hming ziah dante pawh a inmil vek a pawimawh zual tak avangin tûn hmaa inneih, nau hlan leh baptisma certificate pêk chhuah tawha hming ziah dân tihdanglam ngai a awm thei tih a tarlang a; BCM Assembly thu­chhuak angin, siamṭhat ngaite chu tualchhûng kohhran committee-ah dil phawt turin a ti a ni.

Kohhran committee-a thlen dilnate chu kohhran committee-in a pawm chuan, bio-data fel tak nên bialtu pastor hnênah a thlen ang a, bialtu pastor-in duplicate seal hmangin certificate mamawh chu a pe chhuak dawn a ni.