Mizoram University hotu-te leh Governor an inkâwm

Mizoram University (MZU) vice chancellor mawhphurhna la mektu Prof. Lianzela leh regis­trar Zothankhuma te chuan nimin khan Raj Bhavan-ah Governor Lt.Gen. Nirbhay Sharma an kâwm a; MZU-ah vice chancellor nghet dah a nih theihna atana hmalaknate an sawipui.

Governor chuan, MZU chu India rama university ṭha berte zing a mi a nih angin, lehkha zir dah pawimawh hmasak ber tur a nih thu a sawi a, "Zirlai naupangte lehkha zir nan boruak muanawm kan siam a ngai a ni," a ti.

Vice chancellor chung­changah Ministry of Human Resource De­velopment (MHRD) Mi­nis­ter leh mi dangte vawi eng emaw zat a dàwr tawh tih sawiin Larsap chuan, "Tun hnaia New Delhi-a ka zin pawh khan sorkar laipuia hotute ka sawipui a, vice chancellor thlang tura hmalak a nih thu min lo hrilh a ni," a ti.