Lirtheia chetsualna tlem theih dan tur sawiho a ni
Lunglei District Road Safety Committee chu nimin khan an chairman Lalzarmawii, district bawrhsap hoin a pisaah an ṭhukhawm a; lirtheia chetsualna a tlem theih dan tur an sawiho.
Meeting-a tarlan danin, Transport Minister kaihhruaina hnuaiah road accident tihtlem nan State Road Safety Council din a ni. State Road Safety Council dinin a tum ber chu, kum tina road accident tam lutuk tih tlem a ni a; chumi atan chuan State Road Safety Policy duan niin, kum 2020 hmain road accident 50%-a a tlakhniam theih nan hmalak tum a ni.
Meeting chuan, lirtheia chetsualna a tlem theihna atan hian Transport department leh Police bakah, YMA leh village council-te nena ṭanho a, veng tina lirthei awm zat survey neih ni se, an ti a; traffic dante sikul naupang leh mipuite hnenah zirtir te, auto-rickshaw neitute ko khawma traffic awareness pek te, driver-te hnenah dan leh hrai hrilhfiahte an rel bawk.