Kohhranin sum hmangin nau en dawn

Chanmari West Presbyterian Kohhran chuan, an kohhran chhunga nau piang en nan nau nei tharte hnenah Rs. 1,000 zel an hlan dawn. Hei hi nau piang an pun zel theihna atana hmalakna chi khat a ni.

Chanmari West Koh­hran Committee chu September 9, Inrinni khan an ṭhu a; an huam chhung­ah nau piang zat a tla­hniam chu thil ṭha lo tak nia an hriat avangin, nau piang­ an pun theih nan leh nau nei tam tura kohhran member-te fuih phûr nan nau piang thar en zel turin thutlukna an siam a ni.

Chanmari West Kohhranah hian member 2,943 awmin, chu'ng zinga 2,210 chu dan zawh kim an ni a; September 2016 aṭanga August 2017 thleng, kum khat chhunga inchhiarnaah nau piang thar 31 an awm a, hei hi September 2015 - August 2016 chhunga nau piang 44 aiin 13-in a tlem zawk.

September 2016 aṭanga August 2017 chhungin an kohhran member 21 an thi a, hei hi nau piang zat aiin 10 chiahin a tlem zawk a ni.