GST hman hnuah Mizoramin Chhiah a hmuh a pung nasa

Mizoram Statistical Absract, 2021-a tarlan danin, sorkar laipui ruahmanna anga India ram puma Goods & Services Tax (GST) hman a nih hnuah Mizoram sorkarin chhiah aṭanga sum a hmuh a pung nasa hle. GST hi July 1, 2017-ah hman ṭan a ni a, chhiah lâk ngai lohna eng emaw zatah lak thar a ni.

GST hi July 1, 2017 aṭanga hman a nih avangin sorkar kum 2016-17 ah chuan GST aṭangin sum hmuh a la ni lo a, 2016-17 ah hian Taxation department chuan chhiah chi hrang hrang aṭangin cheng nuai 31,017.86 a hmu.

GST hman a nih hnu, kum 2017-18 ah chuan Taxation depart­ment chuan cheng nuai 38,955.44 a hmu thung.

GST hi July 2017-ah hman ṭan a nih avangin kum 2017-18 ah thla thum chhung hman hman a ni lo a; financial year kum tluana GST hman theih hmasak kum chu 2018-19 a ni a, hemi kum hian Taxation department-in cheng nuai 56,879.11 an hmu a ni.

Hetih lai hian, dan anga zu zawrh tihtawp a nih hnuah Excise & Narcotics department (END) chhiah hmuh a tlahniam nasa thung. END hian kum 2018-19 ah chhiah cheng nuai 6,396.81 an hmuh laiin, kum 2019-20 ah chuan cheng nuai 272.74 chiah an hmu thung.