Mizoram electoral roll aṭangin Bru 1,516 paih an ni tawh

Tripura refugee camp-a awm ṭhin Mizo­ram electoral roll-a chuangte chu Election Commission of India (ECI) thu angin Mizoram electoral roll aṭangin paih mek zel a ni a, September 19, 2022 thleng khan mi 1,516 paih an ni tawh.

Tripura refugee camp-a awm ṭhin Bru eng emaw zat chuan Mizoramah vote an nei a, constituency pariat - Mamit, Hachhek, Dampa, Tuirial, Kolasib, Serlui, West Tuipui leh Thorang biala vote nei mi 1,516 chu Mizoram electoral roll aṭanga paih an ni.

Mizoram electoral roll aṭanga paih zingah Hachhek biala vote nei an tam ber a, mi 936 an ni. Hachhek dawta vote nei tamna bial chu Mamit a ni a, mi 281 paih tawh a ni.